VINALIÐAVERKEFNIÐ

Vinaliðaverkefnið er norskt að uppruna, það hefur á fáum árum náð mikilli útbreiðslu og er nú starfrækt í yfir 1000 skólum í Noregi. Hér á Íslandi eru skólarnir orðnir 39 og þeim fjölgar jafnt og þétt. Vinaliðaverkefnið er hluti af Vinaverkefninu og gengur út á það að hvetja nemendur til meiri þátttöku í afþreyingu í frímínútunum og skapa betri skólaanda.

Skólalóðin og frímínúturnar eru samkvæmt eineltisrannsóknum, því miður, helsti vettvangurinn fyrir einelti. Vinaliðaverkefnið er ekki eineltisáætlun heldur stuðningsverkefni við eineltisáætlun skólans og er hugmyndafræðin sú að þar sem boðið er upp á skipulagt starf, fái gerendur eineltis aðra hluti til að hugsa um. Aðgerðarleysi er nefnilega oft rótin að slæmum hlutum.

Myndbandið hér fyrir neðan er frétt sjónvarpsstöðvarinnar N4 sem unnin var á einu vinaliðanámskeiðinu. Þar fyrir neðan eru svo hlekkur þar sem hægt er að fræðast enn betur um verkefnið.

Viltu fræðast meira um verkefnið?

Notaðu þá hnappana :-)

Kynningarmyndband um vinaliðastarfið í Árskóla

Hér fyrir neðan er kynningarmyndband sem nemendur í Árskóla unnu sjálfir fyrir Þemadaga í október 2015.